საით აღარ ვცადე წასვლა,

გზები მაინც შენთან მოდის...

მჯერა, რომ ვიქნებით ერთად,

მჯერა, მაგრამ ნეტავ როდის?..

შენი მონატრების გარდა,

გული ვეღარაფერს იტევს ,

"მასაც უყვარახარო, თითქოს"-

გუშინ ეს ამბავი მითხრეს.

ხშირად იმედები მათრობს,

ხანაც მიპყრობს დიდი დარდი,

ასე როდის დამიპყარი?

ასე როდის შემიყვარდი?

ჩვენი გაცნობიდან დღემდე-

ყველა წამი, წუთი მტკივა

მოდი შემომხვიე ხელი

თორემ გაზაფხულზეც მცივა

გადამივიწყეო ამბობ,

აღარ იფიქროო ჩემზე,

იქნებ ისიც მითხრა როგორ?

როგორ არ ვიდარდო შენზე?

ჩქარა თორემ წლები გარბის,

და ეს გაზაფხულიც ქრება

გულს კი მოსაწმენდად ცრემლის-

მხოლოდ მოგონება რჩება

შენ ხარ მონატრება ჩემი,

შენ ხარ სიყვარული - წრფელი,

ახლაც იმედები მათრობს,

ახლაც ძველებურად გელი...

Like! 6